Bullgarë janë të parët në botë që guxuan dhe arritën të kalojnë nga fundi në fund hapësirën më të paparashikueshme oqeanike - Oqeanin Arktik, me një varkë me vozitje. Stefan dhe Maksim Ivanovi janë baba dhe bir që realizuan edhe më parë ekspedita ekstreme me një varkë që ndërtuan  vetë "Neverest" (ose Mos pushoni kurrë derisa të arrini Everestin tuaj!). Të dy ata ankoruan të dielën vonë në mbrëmje në Svalbard të Norvegjisë, me të cilën përmbushën misionin e tyre të radhës. Ata tashmë mbajnë 10 Rekorde Botërore Guinness. Me këtë kalim ata janë gati të pushtojnë edhe disa rekorde të tjera, njoftoi Nova TV. Stefani dhe Maksimi kanë kaluar ditë të tëra të mbyllur në kabinë, duke pritur që të kalonin katër stuhi. Katër vjet më parë, ata kaluan Oqeanin Atlantik me varkën e tyre.

• Bullgarë kaluan me varkë Oqeanin Atlantik

• Të kalosh Atlantikun në mbështetje të dhurimit të organeve

"Jemi të kënaqur që kemi mundësinë të mbështesim Doc. Ljubomir Kenderov nga Fakulteti Biologjik i Universitetit të Sofjes "Shën Kliment Ohridski" në hulumtimin e tij për ndryshimet klimatike. Gjatë gjithë lundrimit, ne mblodhëm dhjetëra mostra planktoni nga një thellësi prej 50 metrash. Doc. Kenderov i filloi këto studime në Antarktidë, rreth bazës bullgare në ishullin Livingston, dhe tani po i vazhdojmë në Arktik. Kështu, ne mendojmë se ekspedita jonë nuk është thjesht një aventurë, por kontribuon për shkencën dhe ndoshta për mbrojtjen e mjedisit”, shkroi dyshja në Facebook.

• Bullgaria është i vetmi vend ballkanik me bazë në Antarktidë tashmë 35 vjet