Koka e një statuje është zbuluar gjatë gërmimeve në kanalin e madh të qytetit antik të Heraklea Sintika. Ajo është e statujës që u zbulua disa ditë më parë dhe tani është në muzeun e Petriçit që të studiohet nga restauruesit.

“Kjo verë ishte unike”, tha Prof. Ljudmill Vagalinski me rastin e zbulimit të dy statujave. “Koka është vendosur në skajin e kundërt të cloaca maxima, në mënyrë që të jetë përballë statujës pa kokë të zbuluar më parë. Kjo nuk është aspak e rastësishme”, thotë arkeologu.

• Një statujë e dytë romake e varrosur u zbulua në Heraklea Sintika

• Heraklea Sintika shpërbleu arkeologët me një zbulim të ri të rëndësishëm

Ka nisur edhe zbulimi i një godine me mozaik dyshemeje në Heraklea Sintika. "Për herë të parë që kur kemi eksploruar qytetin, kemi hasur në një dysheme mozaiku," komentoi kreu i ekipit, Prof. Vagalinski, i cili drejton gërmimet. “Nuk është një banesë, por një ndërtesë publike romake, e vendosur në cepin verilindor të forumit. Mund të rezultojë të jetë një tempull. Por është ende herët për të thënë se cili është qëllimi i ndërtesës”, thekson shkencëtari.

• Qyteti antik Herakleja Sintika zbulon sekretet e tij